काठमाडौं,मङ्सिर ८ गते । प्रधानमन्त्री माधवकुमार नेपालले रसियाको सेन्ट पिटसवर्गमा आयोजित एसियाली मुलुकको विश्व बाघ संरक्षण शिखर बैठकलाई बुधबार सम्बोधन गर्नुभयो ।रुसी महासङ्घका प्रधानमन्त्री भ्लादिमिर पुटिन र विश्व बैङ्कको अध्यक्ष रवर्ट जुलिकको संयुक्त अध्यक्षतामा बुधबार सुरु भएको सो सम्मेलनको उद्घाटन कार्यक्रमलाई सम्बोधन गर्दै प्रधानमन्त्री नेपालले आफू प्रधानमन्त्री भएपछि नेपालमा बाघ संरक्षणका लागि उच्चस्तरीय प्रयास भएको उल्लेख गर्नुभयो ।
उहाँले नेपालमा बाघ संरक्षणका लागि भइरहेका प्रयासबारे जानकारी दिँदैं बाघ संरक्षणका लागि नेपालको वन संरक्षणको प्रयास पनि थालिएको उल्लेख गर्नुभयो ।
प्रधानमन्त्री नेपालले बाघ संरक्षणको विषय अहिले जलवायु परिवर्तनसँग जोडिएको प्रसङ्ग उल्लेख गर्दै वन संरक्षण,वातावरण परिवर्तनजस्ता विषयलाई बाघ संरक्षणसँग जोडेर एकीकृत रूपमा कार्यक्रम ल्याउने तयारी भएको जानकारी दिनुभयो ।
बैठकलाई सम्बोधन गर्दै रुसी महासङ्घका प्रधानमन्त्री पुटिनले अत्यन्त महìवपूर्ण र आश्चर्यजनक जनावर बाघलाई हामीले भविष्यका लागि पनि संरक्षण गर्नु जरुरी छ भन्नुभएको छ ।
सो बैठकमा सन् २०२२ सम्ममा एसिया क्षेत्रमा हाल रहेको बाघको सङ्ख्यालाई बढाएर दोब्बर पुर्यारउने विषयमा सहमति भएको छ । एक शताब्दी अघि एसिया क्षेत्रमा बाघको सङ्ख्या एक लाख रहेकोमा विभिन्न कारणले सो सङ्ख्या घटेर जम्मा तीन हजार दुई सय पुगेको छ ।
सो बैठकलाई चीनका प्रधानमन्त्री वेन जियावाओलगायत बङ्गलादेश,लाओसका प्रधानमन्त्रीहरूले सम्बोधन गर्नुभएको कुरा प्रधानमन्त्रीका प्रेस सल्लाहकार विष्णु रिजालले जानकारी दिनुभयो ।
एसियामा बाघको संरक्षणका लागि काम गरिरहेका १३ मुलुकका सरकार प्रमुखको सो बैठकमा सहभागिता रहेको छ ।
बाघ संरक्षणमा आ-आफ्नो राष्ट्रको तर्फबाट प्रतिबद्धता जनाउँदै बैठक बुधबारै सम्पन्न हुने कार्यक्रम छ ।
रुस बसाइको क्रममा प्रधानमन्त्री नेपालले रुसी महासङ्घका प्रधानमन्त्री भ्लादिमिर पुटिनलगायत उच्चस्तरीय नेतालाई भेट्नुभएको छ । प्रधानमन्त्री नेपाल बिहीबार स्वदेश र्फकनुहुने कार्यक्रम छ । रासस
